سقوط العسكر لا تعنى سقوط الجيش

صورة

ناس كثير بتعتقد ان كلمة – يسقط حكم العسكر- معناها سقوط الجيش

دا باعتبار ان العسكر هو الجيش .. اسمحللى اغيرلك مفهومك
الحياة العسكرية بتختلف تماما عن الحياة المدنية .. حرية اقل لاكن انضباط و التزام اكثر .. حياة العسكر بالختصار هو التزام وتنفيذ الاوامر
اما حياة المدنى فهى – هكونا مطاطا – او بطاطا مش هتفرق المهم انها حياة عشوائية
طبعا كل اسلوب حياة من الاثنين ليه فوائده واضراره لاكن دا مش موضوعنا

لو جبت شخص عسكرى يعيش وسط مدنيين هو متعود يصدر وينفذ اوامر والامر غير قابل للنقاش متعود على نوع معين من اللتزمات و المسؤليات .. هتبقى حياة اهمال وتسيب

 اما لو جبت مدنى وسط عسكريين بدون تاهيله للحياه العسكرية هتكون حياة ديكتاتورية ظالمة
لازم يناقش كل امر بيتصدر ليه ويفهم اسبابه وغرضه.. وشايف انه حر مش عبد بالتالى ليه حق يقبل او يرفض بعكس الشخص العسكرى

لذلك الحكم العسكرى باشكاله المختلفة هو حكم ديكتاتورى برغم ان الشخص العسكرى مش بيشوف دا لان دى الحياة ال اتعود عليها .. اتعود ان كل ال يخالفه فى الراى دا خاين وعميل .. اتعود ان مناقشه الاوامر دا نوع من المؤامرة و التفكير فى الخيانة .. اتعود انه قائد فوق كل جنوده بالتالى هو مرتبه عليا .. صعب عليه يتقبل انه موظف عند الشعب .. واخد دائما فكرة انه الاب الروحى .. وعشان كدا هتاخد  بالك فى اغلب خطابات الرؤساء ذو الخلفية العسكرية بيكلم على هذا الاساس انه الاب او كبير العيله ذى الظابط لما بيكلم الجنود دائما بيقول يا بنى

 .
فى حين ان فى خطابات الرؤساء المدنيين هتلاحظ بيتكلم عن انه موظف ليه اهداف معينه بمجرد انتهاء فترة عمله اصبح موظف متقاعد وبيراعى دائما خطابة انه يكلم شعبه بصفه انهم جماهير وليسو مجرد تابعين او ابناء

عشان كدا لازم تستوعب ان هتافى يسقط الحكم العسكر هو انى مش عاوز عسكرى يحكمنى مش لانه فاشل .. لا لانه ناجح فى قيادة مؤسسة عسكرية واشخاص عسكريين لاكنه غير قادر على قبول الراى الاخر فى المؤسسة المدنية .

Advertisements

تجارة الدين

انا متاكد انك واخد الرسول صلى الله عليه وسلم قدوه ليك .. بس اتخلى عن عاطفتك وتعال نكون حيادين بين لرسول وكفار قريش

انت اكيد عارف ان قريش كانت من اقوى القبائل العربية ويمكن من اقدمهم كمان .. كانو ايد واحدة ضدد اى حد يعتدى عليهم بس جا محمد عليه الصلاة والسلام بدينه فرق بين الاخ و اخوه بدل ما كانو شعب واحد بقو شعبين وصل بيهم الخلاف انهم قتلو فى بعض وعذبو بعض ..

سيبك مين ال عذب مين ومين ال اعتدى على مين عشان نكون حيادين برضو …. المهم ان الدين جديد دخل مصطلحات وعادات جديدة على المجتمع ولغى عادات متوارثه من اجيال ..

دا حتى لغى مقدساتهم .. و كان سبب الافلاس لناس كثير بسبب قرارات المساواه بين العبيد والاسياد قلب حال المجتمع دا بالكامل .. و دخل فى كل حاجة فى حياتهم الاجتماعيه والسياسية و الاقتصادية حتى ادق امورهم الخاصة … القبيله دى كان فيها اطياف واديان مختلفة لاكن مفيش دين عمل كل الحاجات دى و الاختلافات دى

فى ناس كثير بدات تدايق وطالبت انهم يفصلو الدين عن السياسة والحياة الاجتماعيه يعنى يعبدو اله محمد بس فى اوقات معينه  ..

بس محمد رفض كل اشكال المفاوضات و المساومات .. بداو يقاطعو محمد و اتباعه فى كل حاجة بقى دا شعب ودا شعب ..ليهم حق طبعا بسبب ال حصلهم من الدين الجديد والمسلمين يستاهلو ال هيحصلهم لانهم فرقو بين الناس وكانو السبب فى الدماء ال سالت بعد سنين طويلة من وحدة الصف والاستقرار وعجلة الانتاج

كل ما كانو يبعتو حد عشان يتفاوض مع الرسول كان يقول انه وحى يوحى من عند الله … … طيب اذاى مش المنطق بيقول انه  المفروض ينحى الدين جانبا ويقعد يتفاوضو مع بعض بشكل عاقل يستند للادلة

طيب الرسول مصمم على رايه وكانت النتيجة انقسام القبيله ودخولها فى نزاعات مسلحه على مدار سنين ..اطفال اتيتمت وستات كثير اترملت

ودى كانت نتيجة التجارة بالدين

الكلام الفات دا كان مجرد اثبات بس انك فاهم الدين غلط

الدين مش جوا المسجد بس ذى ما جهله الدين فهموك الدين فى كل حاجة صغيره كانت او كبيرة

لما تسمع الجملة الشهيرة بتاعت “افصل الدين عن ……” افهم ان القائل عنده مشكلة كبيرة فى دينة

الكتيبة الخامسة

هذا الحلم الواحد الصاامد فوق جثث احلام المدينه
فوق اهداب قلاعنا الشامخه فى جوف الصحارى
فوق افواه بنادقنا الراسخه فى
غياهب الظلام
فى قلوب جندونا البواسل
بالبيوت المغلقه

نعوى ..ونصرخ ..بسم الحلم -طال الغياب-
يا صديقى سأرش بدمى الطريق
كل شىء قد هوى سكوناً ..فالجنود استفاقو حيارى
والبنادق سقطت بغير عزيمه ..لعنه سقطت فوق احزانهن القديمه
كل ما تبقى من الغضبه العارمه قد مات ..الخوف فى البواسل قابع
ونحن فى العراء
و الرمل حولنا يبكى.. نرفع رؤسنا نسأل السماء
نساله غيثا او نار
الخوف وحده هو الملثم بيننا ..والمدينه اليتيمه سقطت
عاريه مقتوله بلا مدفن يداوى عهرها
وفى ضلوعنا تموت الحظات ويتفشى فينا الزمن
ونحن واقفين نضمد الحزن بالحزن و الموت بالموت
مرت الرعشه فينا فانتبهنا وكل يوارى ..ذنبه
هرب الخوف منا فقد يأس من جنود قتلو الأمل
تضاحكنا من هيستريه الموت وكأننا جيش يغزو الموت
اتكأنا على جراحنا
هذا مزقته قنبله واخر مزقته الذكريات
وحولنا كانت تدور اسراب الصقور اليافعه تحلق برقصه النصر ووترسل من اعينها رسائل الثبات
ويصرخ جريح : هذا الرصاص ادمنى و ادمنته فهل من مشتاق
سقطت خواتمنا ومحافظنا وصور الذكريات
“أيها الجنود خبو الموت بين الصدور ..ما نفع هذه الدموع !”
لقد شبعنا موتا ..حان الأن ان نقيهم عويلا وبكاء
وهتف حامل الراية تعالو ايها الجبناء لتنالو حصتكم من الموت
وجندى الراديو رابط على جهازه العتيق ..يحمل فى عينيه الوعيد
يتقلب بين الجموع مزهولا ..وجوها لا يعرف احدهم الاخر
وانا اتقلب بين اجساد هامدة واخرى يوهج الثأر وجوهها

……………………………………………

والنار فى الخنادق .. وكلنا نحمل اكفاننا بنادق
” لا تلوموه إذا مات ..إذا اثقلكم الموت برهه دعوه و اقتلو الاعداء”
” لا تموتو بسهوله .. تصنعو و ادعو الكبرياء”
“ولو بترت يديك فلك اخرى .. ولو بترت عينيك فجعل من دموعك دعاء”
“ما نفع هذه الدموع عندما تنصب المشانق .. عندما يعلق على نوافذ بيتك العلم الازرق “
وإذ بالصحراء تنهض غاضبة تمشى كإنسى
تنهض الصحراء موت وحياة
رمالها ملوثه دمعا ودماء .. أقوى من كل الألم واقوى من كل الاعداء

كتب احدهم على قبضة يدية “انتصرت الكتيبه الخامسة على فيالق الغضب”  

كنت ناوى ابطل كلام فى السياسة لان فى ناس كثير زعلو منى لاكن الحق احق بان يتبع و ال يزعله الكلام   Unfriend هتريحك منى   

. من اول السطر

#عندما_تُعشق_البيادة 

-الله يرحم يسقط حكم العسكر و عسكر كاذبون

– إييييه دنيا فانية و ذاكرة الذباب

-كلمني اكثر عن دم الشهداء فى محمد محمود وست البنات

– ولا اقولك احكيلى عن ضحايا العباسية و ماسبيرو

-او حن حرق ملفات امن الدولة وحرق الادلة ال بسببها اتبرا النظام السابق من كل جرائمة 

– هيطلع واحد حقنه يقولك سحل حمادة ضرب المتظاهرين عند الاتحادية وقتل المتظاهرين فى بورسعيد  هقوله حمرااا … القضية دي ملفتها حمرااااا وانا و انت عارفين الداخليه هى ال ورا المصايب دى وعادا بيكون فى فلول بس المتهم لااول هو الداخلية بدليل نشر صور حمادة بعد الاهتمام الاعلامى بيه   وهو بيحرق عربيتا الداخلية وواقف فى مظاهرات تاييد مبارك والمصيبة صورتة وهو بيسحل واحد من الثوار وقت الخناقة ال حصلت بين الثوار واسفين يا ريس 

لل مش فاهم الكلام نحن نتحدث عن #العهر_في_زمن_الثورة             

التحرش سببه الأول و الاخير الإعلام

فى البداية انا ضدد التحرش باى نوع ومن اى شكل
بس سورى يعنى ال يقولك ان لبس البنت مش هو المشكلة و ان ال بيتحرشو مش بيفرقو
قولة انت عمرك ما مشيت فى مصر ولا تعرف الحيونات دى بتفكر اذاى !!
وعلى فكرة التحرش مش حاجة جديدة دا من زمان وباشكال مختلفه وملوش فئه عمرية محددة
عندك افلام وإعلانات وأله إعلامية كاملة بتدعو ليه بطريقة غير مباشرة
عندك عقليات بتعتبر ان الست او “المراة” شىء موجود فى الحياة من اجل المتعه و الجنس بس
عندك عقليات فى البيئة الشعبية بيعتبرو اى بنت لابسه بنطلون “مش تمام”
المشكلة مش فى الشباب ولا فى البنات المشكلة فى المجتمع ككل
عشان تحل مشكلة لازم تفهمها وتديها تحليل حقيقى مش مجرد تخمينات
وتحيز لطرف ضدد طرف
انا مقتنع جدا ان التحرش هيزيد وهيتضاعف مهما شددو القوانيين
لأنها مسألة فكر مش مسألة حزم وقوة

العكش وإسرائيل

  توفيق عكاشة خالو “فاروق عبد الحميد الفقى” كان ضابط فى الجيش المصرى واكتشفو خيانته وتسريبة معلومات عن مواقع صواريخ سام6 للجيش .. -اتقتل فى المواقع دى افضل خبراء مهندسى الصواريخ- .
. زميلة فى المكتب و القائد المباشر بتاعه العميد نبيل شكرى عيط لما اكتشفو الأمر وقدم استقالته واترفضت فقدم طلب لوزير الدفاع انه ينفذ حكم الإعدام بإيده وفعلا تم حكم الإعدام   فاروق عبد الحميد الفقى كان على علاقة بـ هبة سليم ال بكت” جولدا مائير” حزناً علىها وقالت انها أفضل من مئات الرجال ال خدمو إسرائيل  . . . |-مش معنى كدا إن العكش خاين .. جهاز ذى الموساد مش عبيط عشان يجند واحد اهبل دا ميمنعش ان العكعش اعترف انه على علاقات طيبة مع الإسرائيلين وفى حلقة ثانية قال انه عنده “خلفية” (أستغفر الله العظيم) كويسة عن المجتمع الإسرائيلى تعليقا على مسلسل بتاع ممثل اهبل

 …………………………………………………
– المصادر
*73 مؤرخين
*مذكرات ضباط سابقين
*افلام تسجيلية للمخايرات العامة 

ننتصر .. ولو بعد حين !! #حازمون

– فرعون اتهم موسى بأنه مندس …. فقال ” إن هؤلاء لشرذمة قليلون و إنهم لنا لغائظون”
 
– و لعب على وتر (الطائفية) ….. فقال ” إني أخاف أن يبدل دينكم أو أن يظهر في الأرض الفساد”
 
– و صرح بوجود ( مؤامرة كونية) على بلاده …… فقال ” إن هذا لمكر مكرتموه في المدينة لتخرجوا منها أهلها “
 
– و اتهمه ( بالعمالة ) للدول الأجنبية….. فقال ” إن هذا إلا إفك افتراه و أعانه عليه قوم آخرون”
– وقاد (حملة إعلامية) شرسة واتهامات …… فقال ” إن هذا لساحر مبين”
 
– و استعان ( بالبلطجية) و اشترطوا عليه ….. ” قالوا إن لنا لأجرا إن كنا نحن الغالبين”
 
– فوافق على الفور و عرض عليهم أعلى المناصب…. فقال ” نعم و إنكم لمن المقربين “
 
– و كعادة هؤلاء المرتزقة فعنتريّتهم تكون على النساء و الأطفال …. “سنقتل أبناءهم و نستحيي نساءهم و إنا فوقهم قاهرون”
 
– لكن و بعد كل هذا التضليل يبقى موسى هو موسى و فرعون هو فرعون
– و لا بد للقصة من نهاية سواء أطالت أم قصرت و نهاية الظلم معروفة….. ” عسى ربكم أن يهلك عدوكم و يستخلفكم في الأرض فينظر كيف تعملون “
 
– و أخييييييرا…. “أنجينا موسى و من معه أجمعين ثم أغرقنا الآخرين”
القرآن وقصص القران للعبرة و ليست للتسلية ” إن في ذلك لآية و ما كان أكثرهم مؤمنين ” :)
 
#منقول #حازمون